Documentario. As silenciadas

As silenciadas é un documentario histórico que recupera historias de vida, inseridas no seu contexto, de numerosas mulleres que andaron na clandestinidade ou apoiaron desde a chaira o movemento guerrilleiro. Por defendelo, foron duramente represaliadas: morte, cárcere, tortura física e psicolóxica, exilio… O seu papel foi fundamental na supervivencia deste movemento de resistencia e cómpre coñecelo.

As silenciadas

Palmarés: 

- Premio Mestre Mateo 2012 ó mellor Documental

- Premio “Memoria i Justicia Universal” no Festival Internacional de Cine de Derechos Humanos de Santa Coloma de Gramenet (2011)

- Premio “Popular runner up” no Festival internacional online Humanity Explored 2013

- Finalista no Festival Primavera de Cine. Vigo 2012

- Finalista do Festival Internacional Memoria Rural 2011 (Santa Cruz de Moya, Cuenca)

- Seleccionado na Mostra Paralela do Festival Internacional de Cine Documental sobre Género (Soria 2012)

- Finalista no Festival Xociviga 2012, Carballiño.

- Selección oficial Mostra de Cine Xociviga 2011

- Selección oficial I Invernada de Cine de Xermade. 2013.

- Selección oficial 2ª Mostra Cine e Memoria. Gondomar. 2014

Duración: 66′

Investigación: Aurora Marco

Guión: Aurora Marco, Pablo Ces

Dirección e montaxe: Pablo Ces

Prod. executiva: Aurora Marco, Fran Naviera

Dir. de producción: Xosé Luis Ces,

Op. Cámara: Jose Luis S. Rodriguez, Jose Segura, Chis C. Laiño

Dir. Musical: Pilo Sierra

Música: Pilo Sierra, Kilo Reimúndez, Xacobe Lamas

Prod. Musical: Kiko Reimúndez, Paz&Records

Sonido: Manuel Rega

Aux. dirección: Dolores A. Rodríguez

Subtítulos: Mariló Arias

Grafismo: José Brey Blanco

Desenhando. Campaña polo galego no comercio ourensán

Esta campaña escolar dirixida ao comercio ourensán está promovida pola Concellaría de Cultura do Concello de Ourense, a Cordinadora de EDNL Auria e a Coordinadora Galega de EDNL.
Consta de folletos explicativos e adhesivos cos que os rapaces obsequian aqueles establecementos que atenden aos seus clientes en galego.
A campaña está a ter unha moi boa aceptación por parte dos comerciantes.

adhesivo

frontal e traseira do folleto explicativo

Cinema animación 6. Alma

Alma é unha curtametraxe de animación escrita e dirixida por Rodrigo Blaas no 2009.

Alma, unha una nena pequena, pasea polas rúas dun pequeno pobo cuberto de neve. De repente atopa unha pizarra co nome de moitos nenos. No escaparate dunha tenda fronte da pizarra, unha boneca igualiña a ela chama a súa atención. Sorprendidísima, Alma decide entrar na tenda. Toca a boneca e fica atrapada nela...

·         Premio á mellor curta animada no LA Shorts Fest.

·         Premio á mellor curtametraxe animada no Animacor (Festival Internacional de Animación en España).

·         Premio á mellor Ópera Prima no I Castelli Animati de Italia.

Fotografando 12. Martes de Entroido das Madamas e os Galáns en Cobres - Vilaboa

Pequena reportaxe deste curioso e fermoso entroido no Morrazo. Bailes das Madamas e os Galáns e as Corridas do galo, tanto no río como na vara forman parte da singularidade deste Martes de Entroido.

Desenhando. 24 de Febreiro, Día de Rosalía de Castro.

A miña homenaxe particular dende o facebook de OZOCOgz.

Desenhando. Cuarto minguante

Por encarga dos organizadores encargouseme o deseño do cartaz para publicitar a presentación pública da primeira novela de Bautista Álvarez, escritor, fundador da organización política Unión do Povo Galego.

"Cuarto minguante" é o título desta excelente novela da que traslado aquí o resumo que figura na web da editorial Xerais:

"Ismael, o coxiñoIsmael, o coxiño, o fillo da Rosaura da casa dos Boullosas, pasou aos catorce anos da escola de Andrade á de Santomé, onde aprendeu o manexo da tesoira e da agulla, habilidades propias do oficio de xastre. O enterro do seu avó, a quen lle preparou o primeiro traxe, foi o escaparate que lle permitiu comezar a contar con clientes na súa parroquia e despois tamén nas aldeas limítrofes. A cousa non empezaba mal. Porén, a división da herdanza familiar, obrigouno a coller outro camiño. O 5 de agosto de 1955, saíu do porto de Vigo a bordo do transatlántico Santa María rumbo ao porto da Guaira de Caracas. Iniciaba así Ismael o seu percorrido emigrante que o levaría despois a Brasil e Arxentina e, máis tarde, de regreso á outra beira do Atlántico, a aquela primeira Suíza dos galegos.Nunha prosa gozosa e vibrante, labrada cunha lingua de inequívoca estirpe popular, e cunha presenza constante dun humor sutilmente retranqueiro, Bautista Álvarez reconstrúe nesta súa novela alboral os vieiros da emigración galega da segunda metade do século XX, unha epopea colectiva merecente de ser rescatada do esquecemento".

Lectura recomendábel cen por cen.

Desenhando. Logotipo produtos do agro "Agra"