Fotografando 17. Cova do Lobo - Barbadás (Ourense)

Algunhas fotos tiradas o 25 de decembro, nun día grisallento e feo. Este é un deses lugares máxicos da provincia de Ourense que convén visitar algunha vez. É un dos moitísimos sitios con cultos precristiáns dos que o cristianismo tivo que crear a súa propia versión ao non poder evitar que as xentes seguisen acudindo a eles.

Quen teña interese pode atopar moita información en Internet. Basta con buscar San Benito da Cova do Lobo ou Penedo do Tangaraño.

Fotografando 14. En Sobradelo - Xunqueira de Ambía (II)

Máis fotografías deste fermoso lugar.

Fotografando 13. En Sobradelo - Xunqueira de Ambía (I)

Fermosa aldea en terras limiás na que o paso do tempo -como en centos de aldeas e lugares- e a desgraza da despoboación está a converter en ruínas a súa riqueza arquitectónica e patrimonial. Existe outro patrimonio, o que non se ve, o que non se apalpa, o inmaterial, que xa ha tempo que leva camiño da súa desaparición total.

ROCHI NÓVOA. POETA AMIGA. EMBAIXADORA DE SOBRADELO

A BANDEIRA, NA PARROQUIAL, LEVA O MESMO CAMIÑO QUE MOITAS DAS CASAS DE SOBRADELO

Desenhando. SummerCamp Miraflores

Por segundo ano as responsábeis deste colexio ourensán me encargaron o deseño dun cartaz publicitario e do díptico e máis elementos necesarios para dar cumprida publicidade a este campamento escolar.

Velaquí dúas mostras do traballo, o cartaz e mailo díptico.

CARTAZ

DÍPTICO EXTERIOR

DÍPTICO INTERIOR

Desenhando. Campaña polo galego no comercio ourensán

Esta campaña escolar dirixida ao comercio ourensán está promovida pola Concellaría de Cultura do Concello de Ourense, a Cordinadora de EDNL Auria e a Coordinadora Galega de EDNL.
Consta de folletos explicativos e adhesivos cos que os rapaces obsequian aqueles establecementos que atenden aos seus clientes en galego.
A campaña está a ter unha moi boa aceptación por parte dos comerciantes.

adhesivo

frontal e traseira do folleto explicativo

Desenhando. Campaña de Nadal do Centro Comercial Aberto Couto de Ourense

Encargo de deseño para mupis e cartaces no que tiñan que figurar os logotipos das empresas participantes.

Imaxe para cartaz e mupi

Mupi (simulación)

Presentación oficial

Fotografando 11. Arredor do Psiquiátrico de Toén

Os arredores deste psiquiátrico abandonado son un lugar propicio para a fotografía, máis aínda se a visita a facedes nunha tarde outoniza e chuviosa coma no meu caso. O lugar impresiona pola súa grandiosidade, abandono e propósito para o que estaba destinado. Cantas historias non pasarían no interior dos muros de Toén...